HAGKAN

[Charlo dela Costa Paredes]

HAGKAN

Hagkan ko kaw
Ajaw ako lamparuha
Kay tininuod ini
An ako pagbati maputli
Hadki sab ako
Kun nayujag kaw sa ako
Ajaw kasipog
Kay imo iton katungod
Dali iban
Mukadto kita
Sa mangitngit na dapit
Na wayay makakita
Iwagan nato
An kadugyom
Nan pagkayujag
Na nagsiga-siga.

(para sa mga nag-deyt sa Grandstand, sa Mabua, sa Sabang...o kun hain man galing nagtago-tago para di hikit-an ni nanay...)

[Steven E]

he, he. pati sa mga nag date sab sa Doot Beach sa Gigaquit

[Charlo dela Costa Paredes]

bagan suki kaw galing Bay did-on sa Doot Beach...he he

[evelyn garcia-tampan]

ay ay, pan valentines man ini na balak char..di man ko makig deyt sa una sa ngitngit kay mahadlok ko ayok hehehhe...

[Charlo dela Costa Paredes]

pag mayujag na, wayay kahadlokan...ha ha ha gawas kun an trato, ayok!

[Steven E]

he, he, usahay ra ko didto attorney

[evelyn garcia-tampan]

dili ayok char, bampiro...di man gajod ganahan sila nan dan-ag, ugsa adto sa ngitngit kay para maka supsup sila......nan dugo ba , hehehe

[chel badal]

ay sab..kagana unta jaoy ako naka deyt jadto sa una sa granstand..para maka relate sab ako sa imo poem..jatis kahadlok rakan nako jadto sa ako lola..

[Charlo dela Costa Paredes]

ooops? waya baja kamoka-deyt ni O? he he he

[Tsi - RiL]

Ay ay.....punto bitoy !! hayuk nasad !!! ehehehehe....dili ko sa ngitngit kay ituy ayuk !! o ubin ba...jatut !!! ahahahahahhaa......

[Charlo dela Costa Paredes]

mas marajaw an hayok kaysa hikot! he he pwede ra man sa mangitngit na dapit, ajaw lamang dat-ugi an jatot!